Беларускі калегіюм: дыскусія “Літаратура пасля літаратуры. Канец прыгожага пісьменства?” 15.02.2015
15 лютага ў межах фэстывалю “Вершы на асфальце” Беларускі калегіюм прадстаўляе дыскусію “Літаратура пасля літаратуры. Канец прыгожага пісьменства?”
Пісьменнік: мысляр альбо шоўмэн? Сеткавая культура: хаўтуры чытанкі ці інкубатар тэкстаў? Літаратурнасць: хвароба сьвядомасці ці знак якасці? Серыяльнасць – новая гульня ці канвейер пустэчы?Чытач: падлажвацца ці выхоўваць?
А таксама ўсё тое, што вы хацелі даведацца пра дэвальвацыю герояў, разумнікаў ў гіпермаркеце, вербальны дэкаданс, белетрызацыю свядомасці, гандаль аўтэнтычнасцю і філасофскі стрыптыз, але не ведалі ў каго запытацца.
Дыскутуюць: Валянцін Акудовіч, Максім Жбанкоў, Андрэй Хадановіч, Юры Завадскі (Украіна), Сяргей Цімафееў (Латвія).
Мадэруе Ірына Дубянецкая.
Пачатак а 13.30.
Дыскусія пройдзе ў галерэі TUT.BY (пр-т Дзяржынскага 57; ст.м. Міхалова).
Уваход вольны.
