Беларуская класіка па літарах: павольнае чытанне. Семінар Ганны Севярынец

СЕМІНАР:​

БЕЛАРУСКАЯ КЛАСІКА ПА ЛІТАРАХ: ПАВОЛЬНАЕ ЧЫТАННЕ

На гэтым семінары мы адпрацуем навык павольнага чытання з разборам класічных тэкстаў у іх невідавочных дэталях. Большасць сэнсаў літаратурнага твора, як правіла, аказваецца неспасцігальнай для большасці чытачоў з-за таго, што добры літаратурны твор заўсёды моцна сканцэнтраваны, і колькасць важнай культурнай інфармацыі ў ім заўсёды шматкроць большая, чым колькасць значэнняў слоў альбо сказаў. Мы паспрабуем прачытаць усяго толькі некалькі сказаў, некалькі старонак ёмістых твораў – каб зразумець, якім чынам сэнсы ў літаратуры ствараюцца – і якім чынам мы можам іх адтуль браць.

Будзем чытаць:

  1. Паўлюк Багрым. “Хлопча малы” як дэтэктыў
  2. “Вянок” Багдановіча і таямніцы ягонага зместу
  3. “Паязджане” Купалы і “Завіруха” Гаруна: хто каго перапеў
  4. Шыфры і коды Юлія Таўбіна
  5. Фрэйд і Мар’я. Міхась Зарэцкі паглыбляецца ў псіхалогію
  6. Уладзімір Дубоўка і ягоная шыпшына: разбіраемся ў знакамітым вершы
  7. Дудар і Міцкевіч. Дзень народзінаў

Ганна Севярынец  беларуская выкладчыца, журналістка, пісьменніца, літаратуразнаўца, даследчыца беларускай літаратуры. Лаўрэатка прэміі “Экслібрыс” за эсэ “Беларуская мова: онтагенэз” (2014) і прэміі “Гліняны Вялес” за кнігу “Дзень святога Патрыка” (2017).

Больш пра выкладчыцу можна прачытаць тут

 

Фота: Аліна Арлова