Інтэлектуальная гісторыя посткамунізма

Гэта – 

• уласна даследчы семінар,
•   лекцыі спецыялістаў,
•   круглыя сталы,
•   прэзентацыі,
•   абмеркаванні новых выданняў.

Мы праводзім сустрэчы рэгулярна на публічных пляцоўках (адкрыты доступ) і дакументуем іх (запіс альбо онлайн- трансляцыя).

Задача семінара: стварыць трансдысцыплінарную платформу, на якой становіцца магчымай веда пра рэгіён, краіну і эпоху.

Матрыцай, якая інтэгруе розныя фарматы і дысцыплінарныя формы ў адзіны семінар, выступае інтэлектуальная гісторыя. Яна трактуецца ў максімальна шырокім сэнсе – як практыка работы з ідэйным / ідэалагічным зместам эпохі, уменне выяўляць і аналізаваць карані сучасных праблем, вызначаць перспектывы будучыні.

Найбольш вядомыя прадстаўнікі гэтага кірунку – Ісая Бэрлін у мінулым ці Тыматы Снайдэр у нашыя часы – здольныя пераўтвараць працу з традыцыяй у крытычны аналіз сучаснасці, і наадварот, адкрываць у сучасных выкліках успадкаваныя (невырашаныя) ад мінулага праблемы.

Семінар запачаткаваны ў 2018 годзе.