Супольнасць як жывы арганізм: размова з сацыятэхнікам Міхаілам Волчакам

Што

Якія бываюць супольнасці, як яны нараджаюцца, жывуць і паміраюць? Чаму нефармальная структура грамадства павінна вызначаць фармальную, а не наадварот? Як адбываецца штучны мантаж і дэмантаж супольнасцяў? Якое месца культуры, каштоўнасцяў і мэтаў у фармаванні іх структуры?

Міхаіл Волчак, сацыятэхнік, пчаляр, даследчык, прапануе нам агляд жыццёвага цыклу супольнасці, з вызначэннем спецыфікі кожнага этапу і практычнымі сацыятэхнікамі.

План:
1. Супольнасці агульнага лёсу і месца мэты ў гэтых супольнасцях. Класіфікацыі супольнасцяў.
2. Фармальная і нефармальная арганізацыя грамадства. Культура і тэрыторыя. Сімвалы і наратывы як практычныя інструменты ў пабудове супольнасці.
3. Чаму важная не толькі індывідуальная, але і групавая самавызначанасць у супольнасці. Мяжа супольнасці.
4. Колькі неабходна людзей для пачатку супольнасці? У чым агульнае супольнасці нефармальных груп, калектываў, гурткоў.
5. Форма дзейнасці. Як супольнасць можа эфектыўна змяняць форму дзейнасці. Ці сузалежныя форма і мэта ў супольнасці агульнага лёсу?
6. Ролі і працэсы ў супольнасці. Канфлікты, прыняццё рашэнняў, фармалізацыя супольнасці.
7. Колькі жыве супольнасць. Знікненне супольнасці. Роля наратываў на апошнім этапе развіцця супольнасцяў. Ці магчыма працягнуць жыццё нефармальнай групы.

БОНУС. Імператывы на розных этапах развіцця супольнасці.