Адкрыты запіс на курс лекцый Уладзіслава Гарбацкага “Уступ у сацыялінгвістыку”

Што

Сацыялінгвістыка — разьдзел лінгвістыкі, які вывучае ўзаемадзеяньне ўсіх аспэктаў грамадзкага жыцьця (такіх як культурныя нормы, чаканьні і моўны кантэкст) з мовай. У разуменьні сацыялінгвістыкі важныя два вымярэньні: уплыў мовы на супольнасьць і ўплыў супольнасьці на мову.

Беларуская сацыялінгвістыка традыцыйна цікавіцца пытаньнем моўнай палітыкі ў гістарычнай і актуальнай пэрспэктывах, а таксама такой зьявай, як трасянка. Часьцяком афіцыйная сацыялінгвістыка ігнаруе гендарныя тэмы і выклікі. Так, у Беларусі амаль цалкам ігнаруецца такая тэма, як небінарнасьць у мове.

Курс распавядзе пра:
— гісторыю сацыялінгвістыкі і сацыялінгвістычныя школы, традыцыі;
— беларускую сацыялінгвістыку, у тым ліку моўную палітыку, каляніялізм і русыфікацыю, фэномэн трасянкі;
— гендарныя аспэкты сацыялінгвістыкі.

Больш пра курс.