Вандроўка “Беларусь і Літва ў ХХ ст. – шлях да вольнасьці” (21-23 жніўня 2015)

Аддзяленне найноўшай гісторыі Беларускага Калегіюму запрашае ў вандроўку “Беларусь і Літва ў ХХ ст. – шлях да вольнасці”, якая адбудзецца 21-23 жніўня 2015 г.

Разам з беларускімі і літоўскімі гісторыкамі Аляксеем Ластоўскім, Русцісам Камунтавічусам і Томашам Блашчыкам удзельнікі наведаюць  Вільню, Каунас, Пабержа, Шаўляі і іншыя мясціны Літвы, звязаныя з гісторыяй пакутаў, супраціву і нацыянальнага адраджэння ХХ ст.

Вандроўка прадугледжвае візіты ў музей ахвяраў генацыду ў былым будынку КДБ у Вільні, парк Тускулену (аналагу Курапатаў), на могілкі Росы (месца пахавання выбітных дзеячоў беларускай і літоўскай культуры і нацыянальных рухаў), музеі 9-га форта ў Коўне, музеі Чэслава Мілаша ў Шэтэйнях і антысавецкага супраціву ў Пабержы ды на знакамітую гару крыжоў у Шаўляі.

У саміх сталіцах – Вільні і Коўне – удзельнікаў чакаюць вандроўкі, прысвечаныя беларускаму нацыянальнаму адраджэнню ХХ ст.

У музеі ахвяр генацыду (КДБ) у Вільні плануецца сустрэча-семінар, прысвечаны трагічным старонкам найноўшай гісторыі з удзелам жывых сведкаў падзеяў.

Бонусам, зьвязаным з гісторыяй не столькі ХХ стагоддзя, але з нашмат больш сівой даўніной, стане наведваньне старажытных радзівілаўскіх Кейданаў.

Унёскі на 3-хдзённую вандроўку складуць 140 еўра ўключна з:

– праездам у аўтобусе,

– расповядам гісторыкаў,

– наведваннем усіх вышэйпералічаных музеяў,

– 2-ма начаваннямі ў ковенскім гатэлі “Мэтраполіс” (у свой час та месціўся ўрад БНР) і 2-ма сняданкамі,

– абедам у Кейданах.

Студэнтам Беларускага Калегіюму, а таксама ўсім студэнтам і навучэнцам – зьніжка 20 еўра.

Візы бескаштоўныя для ўсіх удзельнікаў.

Для запісу на вандроўку неабходна даслаць на  е-mail bielhrystkultura@gmail.com свае дадзеныя:

– Імя і прозвішча лацінкай як у пашпарце

– Нумар пашпарту (не старэйшага за 10 год)

– Дату нараджэння

– Звесткі пра патрэбу ў візе

– Свой е-mail і кантактны тэлефон.

Уся дадатковая інфармацыя па тэл.: +375291342804, +375255458430 (Валерыя).

You may also like...