Юрась Пацюпа

Юрась Пацюпа – лінгвіст, вершазнавец, паэт. 

Нарадзіўся ў 1965 г. у г. Полацку, маленства прайшло ў в. Дамэйкі на Лідчыне, скончыў Азёрскую сярэднюю школу, філалагічны факультэт і аспірантуру ў ГрДУ імя Янкі Купалы, працаваў у музеі-скансэне ў Мінску, выкладнікам кафедры беларускай культуры ў ГрДУ, рэдактарам у выдавецтве “Мастацкая літаратура”, супрацоўнік аддзела фалькларыстыкі НАН Беларусі. 

Аўтар кніг вершаў “Ноч” (1991), “Сабака” (2009), зборніка артыкулаў “Анонс: Квадрат тэкстаў” (2013). Друкаваўся ў часопісах “Крыніца”, “Arche”, “Дзеяслоў”, “Роднае слова”, “Маладосць”, штогадовіку “Беларускі фальклор”.

Кола навуковых інтарэсаў: вершазнаўства, фалькларыстыка, эстэтыка, паэтыка, культуры мовы і граматыка. 

Выбраная бібліяграфія:

• Зборнік артыкулаў:
  – Анонс : квадрат тэкстаў (2013).
• Манаграфіі:
  – Беларускія вершы Яна Баршчэўскага : Праблемы рэканструкцыі, атрыбуцыі і эдыцыі (2019).
• Слоўнікі:
  – Кароткi расейска-беларускi слоўнiк фразэалягiзмаў i фразаў (1999);
  – Крывіцкі лексікон : слоўнік-дэтэктыў (2007).
• Навуковыя артыкулы: 
  – Выточны элемент культуры: Лінгвістычныя ідэі М. Багдановіча (1999);
  – Вершаванне ў замовах : Паводле матэрыялаў Віцебшчыны і Гродзеншчыны (2016); 
  – Феномен беларускага 11-складовіка: Тэарэтычны, параўнальна-гістарычны і прапедэўтычны аналіз (2017);
  – The Problems Associated with Studying Folk Verse (2018); 
  – Отношение стиха к графике и читке : Вопросы онтологии стихотворной речи (2018);
  – Ритм – конструктивный принцип стиха? (2019); 
  – Да гісторыі аднаго палявання (2019).
• Навукова-папулярныя артыкулы: 
  – Беларуская мова ў часе (1999);
  – Дзве стратэгіі кадыфікацыі мовы… (2020);
  – Пра шкоднасць царкоўнаславянізмаў для нашай мовы (2020);
  – «Гаварыць» і «казаць»… (2020);
  – Што значыць слова чалец? (2020);
  – Сякера пад лаваю, або Беларускія вадаплавы… (2020);
  – Падступная прастата класікі… (2020).
• Лекцыі ранейшых гадоў у Калегіюме:
  – Культура беларускай мовы (2009);
  – Беларускае вершаванне (2009).

Спасылкі на тэксты аўтара, інтэрв’ю і мерапрыемствы:

• Курс лекцый у Беларускім калегіюме “Беларуская мова: культура маўлення – моўная інжынерыя – метаграматыка”.
• Юрась Пацюпа: Да сямі гадоў я не чуў аніводнага рускага слова і цяпер адчуваю сябе апошнім магіканінам.
• ZOOM-сустрэча “Фальклор і фалькларыстыка. Погляд з Беларусі і Эстоніі. Mission Possible IV”.