Лекцыя Наталлі Ламекі: “Змярканне чалавецтва”: вобразна-матыўныя блокі экспрэсіянісцкай літаратуры

Што

Экспрэсіянізм – адзін з найбольш значных напрамкаў мадэрнізму, які знайшоў увасабленне ў жывапісе і графіцы, літаратуры, музыцы, тэатры, кіно. Росквіту ён дасягнуў перадусім у культуры Германіі і Аўстрыі пачатку ХХ стагоддзя. Сярод іншых мадэрністаў экспрэсіяністы вылучаліся асаблівай занепакоенасцю станам сучаснага чалавецтва і ўсеагульным заняпадам духу. У процівагу таму ў межах экспрэсіянізму ўзнікае ўтапічная ідэя аб братэрстве людзей і культывуецца вобраз Новага Чалавека. Найбольш удала характарызуе падобную амбівалентнасць канцэпт “змяркання” (Dämmerung). Падчас лекцыі пазнаёмімся з ключавымі вобразамі і матывамі экпрэсіянісцкай літаратуры ў шырокім мастацкім кантэксце.