“Беларуская традыцыйная культура ў XXI стагоддзі”. Святочная дыскусія ў гонар 60-годдзя Сяргея Санько

Што

Зміцер Санько – адзін з самых глыбокіх, самых канцэптуальных, і ў той жа час самых “незаўважных” беларускіх інтэлектуалаў. Напачатку 90-х ягоныя ідэі (і тэксты) радыкальна змянілі кантэкст і практыкі даследавання фальклору і традыцыйнай культуры, этнічнай і культурнай гісторыі, культуралогіі і семіётыкі культуры.

Вынікам яго работы былі не толькі выпускі альманаха Крыўя, семінары і канферэнцыі, выпускі “Друвіса” ( з Тодарам Кашкурэвічам), збор тэкстаў “Штудыі з кагнітыўнай і кантрастыўнай культуралогіі”, але і ўзорны “Міфалагічны слоўнік”, і зусім нядаўняя “Беларуская народная філасофія” (з Ірынай Дубянецкай). У ценю застаюцца ягоныя работы па семіётыцы і тэорыі знака, а таксама, у апошнія гады, па беларускай інтэлектуальнай гісторыі і гісторыі ідэй.

У гэты чацвер ягоныя сябры і калегі збяруцца, каб ушанаваць юбіляра, – у дыскусіі пра ягоныя ідэі, – павіншаваць яго і пажадаць далейшага плёну ў даследаваннях.