Закрыццё навучальнага году

Беларускі калегіўм завяршыў навучальны год вечарынай, якая прайшла ў бізнес-клубе “IMAGURU”. На імпрэзе выступілі кіраўнікі аддзяленняў Валянцін Акудовіч (“Філасофія і літаратура”), Аляксей Ластоўскі (“Навейшая гісторыя”), Вадзім Смок (“Еўрапеістыка”), а таксама журналіст Руслан Гарбачоў, які замяніў Таццяну Мельнічук, кіраўніка аддзялення “Журналістыка”.

Сваімі планамі на наступны навучальны год падзяліліся акадэмічны дырэктар Беларускага калегіўма Ірына Дубянецкая і адміністрацыйны дырэктар БК Андрэй Казакевіч.

Таксама 23 навучэнцы атрымалі сертыфікаты аб заканчэнні Беларускага калегіўма, 21 навучэнец – пасведчанні аб заканчэнні першага курса.