14 красавіка – публічная лекцыя “Аб’яднанне Германіі – глабальная бітва за Еўропу”
Гістарычная майстэрня імя Л. Левіна і Беларускі архіў вуснай гісторыі запрашаюць на публічную лекцыю вядомага нямецкага гісторыка Аляксандра фон Плата “Аб’яднанне Германіі – глабальная бітва за Еўропу”.
Кароткі змест лекцыі:
Гэтая лекцыя прысвечана глабальнай палітычнай сітуацыі ў 1989-1990 гадах, розным інтарэсам урадаў і рухаў ва Усходняй і Цэнтральнай Еўропе і адрозненням паміж стратэгіямі глабальных гульцоў, задзейнічаных у працэсе ўз’яднання Германіі. Будуць паказаны некаторыя альтэрнатывы, якія ў выніку не мелі поспеху.
Асноўныя крыніцы гэтай лекцыі паходзяць з расійскіх, усходне- і заходненямецкіх, брытанскіх, амерыканскіх і канадскіх архіваў, а таксама гэта больш за 100 інтэрв’ю з дысідэнтамі і міжнароднымі палітыкамі. У канцы будзе абмеркавана пытанне ці скончылася халодная вайна з уз’яднаннем Германіі.
Лекцыя будзе суправаджацца перакладам з нямецкай на рускую мову.
Месца і час
Гістарычная майстэрня,
г. Мінск, вул. Сухая 25
14 красавіка 2016 г. а 16 гадзіне
Інфармацыя пра лектара
Аляксандр фон Плата
– Гісторык, доктар габілітаваны
– Заснавальнік і працяглы час дырэктар „Інстытута гісторыі і біяграфіі” ў Адкрытым універсітэце Хагена, Германія (да 2007)
– Сузаснавальнік і савыдаўца „BIOS“ – часопіса па біяграфічных даследаваннях і вуснай гісторыі
– Сузаснавальнік „Міжнароднай вуснагістарычнай асацыяцыі“ ў 1996 годзе і працяглы час памочнік яе віцэпрэзідэнта
– Мае шматлікія публікацыі, фільмы і інсталяцыі па тэмах: сучаснасць, ментальнасць і вуснагістарычны метад; апошняя дэкада аб’яднання Германіі; дысідэнцтва ва Усходняй і Цэнтральнай Еўропе; прымусовая праца падчас Другой сусветнай вайны
– у 2007 годзе запрошаны прафесар у Вене, Аўстрыя
– у 2012-2013 гадах атрымаў вядомую канадскую ўзнагароду Дыфенбакера і працаваў як гасцявы прафесар у Вінніпегу, Канада
– у 2015 запрошаны прафесар у Варонежы, Расія
Вядомы англійскі гісторык Марк Роземан з Блумінгтонскага ўніверсітэту ў ЗША напісаў пра яго: „адзін з сусветных лідараў вуснай гісторыі“.
АрганізатарыГістарычная майстэрня імя Леаніда Левіна
220004 Мінск
вул. Сухая, 25,
тэл/факс + 375 17 200 76 26
Беларускі архіў вуснай гісторыі
