Купальле з Беларускім Калегіюмам

Як

Традыцыйныя купальскія сьпевы павядзе Тацяна Касьцюковіч з Балмало, што ў Шкоцыі (Balmalo, Scotland), у кампаніі ахвочых да сьпеваў з розных краін і часавых зон.
Ірына Дубянецкая раскажа пра сэнсы і традыцыі купальля і – магчыма – падзеліцца сакрэтам старадаўнага рытуальнага купальскага напою-жыжалю, званага купалюшам.
Разам пачытаем адзін з найярчэйшых тэкстаў беларускае літаратуры – міні-паэму Янкі Купалы “У купальскую ноч” (1911). Усе ўдзельнікі змогуць падзяліцца сваімі ведамі пра купальле і цікавымі гісторыямі ды асабістымі ўспамінамі, зьвязанымі з гэтым улюбёным сьвятам беларусаў. А таксама магчыма даведаемся, ці можна знайсьці папараць-кветку ў зуме.